இங்கிலாந்தை வென்றது இந்தியா

Written by vinni   // March 20, 2014   //

india_vs_england_t20_002ரெய்னா மற்றும் விராட் கோஹ்லி அதிரடியாக அரைசதம் விளாச இங்கிலாந்துக்கு எதிரான பயிற்சி ஆட்டத்தில் இந்திய அணி 20 ஓட்ட வித்தியாசத்தில் வெற்றி பெற்றது.

நாணய சுழற்சியில் வென்ற இங்கிலாந்து அணி இந்தியாவை துடுப்பெடுத்தாட அழைத்தது. வழக்கம் போல தொடக்க ஆட்டக்காரர்களாக களமிறங்கிய ரோகித் சர்மா, ஷிகார் தவான் ஜோடி மீண்டும் சொதப்பியது. இந்திய அணி 38 ஓட்டங்களில் முதல் 3 விக்கெட்டுகளை இழந்து தடுமாறியது.

ஆனால் அடுத்து களமிறங்கிய கோஹ்லி, ரெய்னா இருவரும் அதிரடியாக ஆடி அரைசதம் அடித்தனர். இறுதியாக இந்திய அணி 20 ஓவர்களின் முடிவில் 4 விக்கெட்டுகளை இழந்து 178 ஓட்டங்களை எடுத்தது. கோலி 74 ஓட்டங்களுடனும், டோனி 21 ஓட்டங்களுடனும் களத்தில் இருந்தனர்.

179 ஓட்டங்களை இலக்காக கொண்டு களமிறங்கிய இங்கிலாந்து அணியால் 20 ஓவர்கள் முடிவில் 158 ஓட்டங்களை மட்டுமே எடுக்க முடிந்தது. அதிகபட்சமாக மொயிம் அலி 46 ஓட்டங்களைப் பெற்றார்.

இதன் மூலம் இந்திய அணி 20 ஓட்ட வித்தியாசத்தில் வெற்றி பெற்றது. இந்திய அணி தரப்பில் ஜடேஜா 2 விக்கெட்டுகளை வீழ்த்தினார்.


Similar posts

Comments are closed.