பனிப்பொழிவே தோல்விக்கு காரணம்! வீராட் கோஹ்லி

Written by vinni   // March 1, 2014   //

kohli_002இலங்கைக்கு எதிரான ஆசிய கிண்ணப் போட்டியில் 2 விக்கெட் வித்தியாசத்தில் இந்திய அணி தோல்வி அடைந்தது.

இதுகுறித்து அணித்தலைவர் வீராட் கோஹ்லி கூறுகையில், எங்களது பந்துவீச்சாளர்கள் தங்கள் பணியை சிறப்பாக செய்தனர். ஆனால் இறுதி கட்டத்தில் கடுமையான பனிப்பொழிவு பாதிப்பை ஏற்படுத்தி விட்டது.

இந்த அளவுக்கு பனிபெய்யும் என்று நினைக்கவில்லை. ஏனெனில் முந்தைய நாள் பனியின் தாக்கம் அதிகமாக இல்லை.

மொத்தத்தில் ஆட்டத்தை கடைசி வரை கொண்டு சென்ற பெருமை பந்து வீச்சாளர்களையே சாரும்.

நாங்கள் 30 முதல் 40 ஓட்டங்கள் குறைவாக எடுத்து விட்டோம். ஜடேஜாவின் பந்து வீச்சு அருமையாக இருந்தது.

பாகிஸ்தானுக்கு எதிராக நாங்கள் நேர்த்தியாக விளையாட வேண்டியது அவசியம் என்று தெரிவித்துள்ளார்.

ஆட்டநாயகன் விருது பெற்ற சங்கக்கரா கூறுகையில், பனிப்பொழிவு தனது வேலையை எளிதாக்கி விட்டது என்றும், கடைசிவரை களத்தில் நிற்க வேண்டும் என்பதில் கவனம் செலுத்தி விளையாடுவேன் எனவும் தெரிவித்துள்ளார்.


Similar posts

Comments are closed.