பயங்கரவாதத்திற்கு எதிரான வெற்றியை பாதுகாக்க வேண்டியது அனைவரினதும் கடமையாகும் – ஜனாதிபதி

Written by vinni   // December 29, 2013   //

sri-lanka-president-mahinda-rajapaksa-in-commonwealthபயங்கரவாதத்திற்கு எதிரான வெற்றியை பாதுகாக்க வேணடியது அனைவரினதும் கடமையாகும் என ஜனாதிபதி மஹிந்த ராஜபக்ஷ தெரிவித்துள்ளார். ஜனநாயக இடதுசாரி முன்னணியின் 14ம் ஆண்டு நிறைவு நிகழ்வினை முன்னிட்டு வெளியிட்டுள்ள வாழ்த்துச் செய்தியில் அவர் இதனைக் குறிப்பிட்டுள்ளார்.

கடுமையான போராட்டத்திற்கும், தியாகத்திற்கும் மத்தியில் பயங்கரவாதம் இல்லாதொழிக்கப்பட்டதாகத் தெரிவித்துள்ளார். பயங்கரவாதத்திற்கு எதிரான வெற்றியை பாதுகாக்க வேண்டிய பொறுப்பு அனைவரினையும் சாரும் என அவர் சுட்டிக்காட்டியுள்ளார்.

அனைத்து இன மக்களும் ஏனைய இனங்களை மதிக்க வேண்டியது அவசியமானது என அவர் குறிப்பிட்டுள்ளார். மும்மொழிச் சமூகமொன்றை உருவாக்கும் முனைப்புக்களில் அரசாங்கம் ஈடுபட்டுள்ளதாகத் தெரிவித்துள்ளார்.

மக்கள் நல இலக்குகளை அடைவதற்கு ஜனநாயக இடதுசாரி முன்னணி வழங்கி வரும் ஒத்துழைப்பு பாராட்டுக்குரியது என ஜனாதிபதி தனது வாழ்த்துச் செய்தியில் குறிப்பிட்டுள்ளார்.


Similar posts

Comments are closed.